Ákvæði laga um loftferðir nr. 60/1998. taka m.a. til ábyrgðar flytjanda á:
- lífs- og líkamstjóni
- seinkun á flugi
- glötuðum, eyðilögðum og skemmdum farangri og farmi
- upplýsingaskyldu til farþega
Reglugerð nr. 1048/2012 tekur til farþega í áætlunarflugi og leiguflugi og í henni eru fastsett lágmarksréttindi farþega ef:
- þeim er neitað um far
- flugi er aflýst
- seinkun á flugi
Reglugerðina má nálgast hér á íslensku og viðauka reglugerðarinnar á ensku.
Bæklingur um réttindi flugfarþega, til prentunar, til lesturs
Veggspjald um réttindi flugfarþega, Dreifirit til að afhenda flugfarþegum
Á upplýsingasíða Evrópusambandsins um réttindi flugfarþega, má finna á ensku og öðrum tungumálum ESB upplýsingabæklinga sem og önnur ítargögn um réttindi flugfarþega.
Aðilar sem fara með eftirlit með framkvæmd laga er tengjast farþegum
Flugmálastjórn Íslands fer með framkvæmd laga um loftferðir nr. 60/1998 með síðari breytingum og reglugerðar nr. 1048/2012 um gildistöku reglugerðar EB nr. 261/2004 um sameiginlegar reglur um skaðabætur og aðstoð til handa farþegum sem neitað er um far og þegar flugi er aflýst eða mikil seinkun verður.
Telji farþegi að flugrekandi eða söluaðili hafi ekki farið að þeim reglum sem settar eru í reglugerðinni eða loftferðalögum, skal hann fyrst leita réttar síns hjá flugrekanda eða söluaðila. Berist ekkert svar frá flugrekenda eða svarið er ófullnægjandi, er kvörtun/ábending borin upp við Flugmálastjórn með útfyllingu eyðublaðisins hér. Bréfaskipti við flugrekenda skulu fylgja með erindinu.
Athugið að vista eyðublaðið í eigin tölvu, fylla það síðan út og senda sem viðhengi í tölvupósti til: fms@caa.is. Einnig má prenta eyðublaðið út og senda það í pósti til:
Flugmálastjórn Íslands
Skógarhlíð 12
105 Reykjavík
Yfirlit yfir eftirlitsstofnanir innan ESB sem fara með eftirlit með framkvæmd laga er tengjast farþegavernd
Eftirlitsstofnanir innan EES ríkjanna
Neytendastofa fer með eftirlit með framkvæmd laga um alferðir (pakkaferðir) sbr. l. nr. 80/1994.
Neytendastofa
Borgartúni 21
105 Reykjavík
postur@neytendastofa.is
www.neytendastofa.is
Ferðamálastofa annast m.a. eftirlit með starfsemi ferðaskrifstofa, bókunarþjónustu og ferðaskipuleggjenda í samræmi við lög nr. 73/2005.
Ferðamálastofa
Lækjargötu 3
101 Reykjavík
upplysingar@icetourist.is
www.ferdamalastofa.is